Nýr Landspítali Háskólasjúkrahús hagkvæmari á betri stað

Nýr Landspítali háskólasjúkrahús á betri stað er hagkvæmari í byggingu og rekstri.

Fjárhagslegur samanburður sýnir að mun hagkvæmara er að byggja við gamla Borgarspítalann í Fossvogi en að byggja við gamla Landspítalann við Hringbraut. Enn hagkvæmara er þó að byggjan nýjan spítala frá grunni á svokölluðum „Besta stað” nálægt búsetumiðju höfuðborgarsvæðisins og nálægt stórum umferðaræðum. Hringbrautin er lang óhagkvæmust.

Stofnkostnaðurinn í Fossvogi er um 12 milljörðum lægri en við Hringbraut og stofnkostnaðurinn á “Besta stað” er um 20 milljörðum króna lægri.

Árleg útgjöld notenda og skattgreiðenda verða 2,6 milljörðum króna lægri ef byggt verður í Fossvogi og heilum 4,1 milljörðum króna lægri ef byggt verður nýtt á “Besta stað” miðað við Hringbraut.

Samtals er núvirt hagræði ef byggt er í Fossvogi um 63 milljarðar króna umfram Hringbraut og ef byggt verður á “Besta stað” er hagræðið um 101 milljarður króna umfram Hringbraut.

Við kunnum KPMG bestu þakkir fyrir að yfirfara útreikningana.

Lestum um fjárhagslegan ávinning

Nýr Landspítali á betri stað eykur gæði þjónustu

Nýr Landspítali sem reistur er á besta stað eykur gæði þjónustu því vinnuaðstaða verður betri, hönnun skapar færi á bestu tækjum og besta staðsetning styttir viðbraðgstíma.

Nýr Landspítali sem yrði byggður frá grunni í nýjum byggingum yrði mun betri vinnustaður m.v. þau áform sem nú eru uppi að bútasauma við gamlar byggingar. Nýjasta tækni spítala er oft erfitt og dýrt að koma fyrir í gömlum byggingum en ný bygging á besta stað leisir það. Að lokum skiptir viðbragðstími í neyðartilvikum miklu máli og staðsetning nær búsetumiðju og helstu umferðaræðum skiptir sköpum þegar ferðir sjúkrabíla eru að jafnaði 100 á sólarhring og 200 í toppum.

Lestu um gæði spítala

Fagleg, óháð staðarvalsgreining er nauðsyn

Gamla staðarvalið frá 2002 tók ekki til atriða sem skipta mestu fyrir notendur spítalans og skattgreiðendur. Þau rök sem tilgreind voru í gamla staðarvalinu og mæltu með Hringbraut eru flest ýmist veik eða beinlínis röng.

Gera þarf nýja, faglega staðarvalsgreiningu af óháðum fagaðilum á þessu sviði þar sem hagsmunir framtíðar notenda og gæði þjónustunnar eru í fyrirrúmi.

Lestu um gamla gallaða staðarvalið

Lestu um faglega staðarvalsgreiningu

Nýr Landspítali á besta stað gæti risið fyrr

Áætlað er að nýbyggingar við Hringbraut verði tilbúnar 2023. Þá er endurbygging gamla húsnæðisins eftir sem mun bæta að minnsta kosti 4 árum við verkið, þannig að segja má að nýr spítali verði til við Hringbraut árið 2027. Verkefnið er flókið vegna nálægðar við gamla spítalann og endurnýjun hans getur hæglega farið úr böndum.

Byggja má nýjan og betri spítali á betri stað á næstu 10 árum þannig að hann getur verið tilbúinn árið 2025 eða 2 árum á undan Hringbrautarsjúkrahúsinu.

03/06/2015

Ef staðsetja á spítalann í samræmi við markmið Aðalskipulags Reykjavíkur 2010-2030 (AR 2010-2030) um jöfnun umferðar ætti að finna honum stað sem stuðlar að styttri ferðatíma og minni umferð. Landspítalinn er risastofnun. Auk starfsemi á Hringbraut er Landspítalinn með starfsemi í Fossvogi og á um 17 stöðum á höfuðborgarsvæðinu. Fari svo að starfsemin flytjist öll…

Nýr Landspítali Háskólasjúkrahús hagkvæmari á betri stað

Nýr Landspítali á betri stað eykur gæði þjónustu

Fagleg, óháð staðarvalsgreining er nauðsyn

Nýr Landspítali á besta stað gæti risið fyrr

Nýjustu greinar

Hringbrautin hentar vel fyrir íbúðabyggð, stúdentaíbúðir, hótel og þekkingarfyrirtæki

Nýr Landspítali á betri stað þýðir minni fjárfesting

Nýr Landspítali á betri stað sparar milljarða á ári

Nýr Landspítali á betri stað rís fyrr og styrkir borgina

Nýr Landspítali á betri stað jafnar umferð

Um Betri spítala

Skráning hjá Betri spítala